I know this one go cause fight but make I talk am: School no be scam. Na we dey use school wrong. Every time somebody talk "school na scam", I dey ask - which school? The building? The lecturer? Or the fact say you spend 4 years to collect certificate and you no learn one skill wey fit pay you? Truth be say, Nigeria’s education system get problem. Outdated curriculum, strike every semester, lecturers wey no dey come class. All that one na fact. But also fact: While you dey complain, some people dey use that same "scam" school to network, join clubs, learn how to speak in public, access free internet for library, and meet co-founder for their business. The scam no be school. The scam na expecting certificate alone to change your life in 2026. School should give you 3 things: 1. How to think and solve problems 2. People - your network 3. Proof say you fit start and finish something hard If you go school and come out with only certificate, na you scam yourself. Use school as tool, not as destiny. Learn digital skill on top of your degree. Learn sales. Learn to talk well. Because in this economy, na skills dey pay, not just paper. Agree or I dey talk rubbish? Let’s argue small 😂
